ШҮҮХИЙН ШИЙДВЭР ГҮЙЦЭТГЭХ ЕРӨНХИЙ ГАЗАР

Дархан-Уул аймгийн ИТХ-ын Гэмт хэргээс урьдчилан сэргийлэх ажлыг зохицуулах салбар зөвлөлөөс аймгийн хэмжээнд гэмт хэрэг, зөрчлөөс урьдчилан сэргийлэх ажилд идэвх, санаачилгатай оролцсон тэргүүний байгууллага болон алба хаагчдыг 2021 оны 12 дугаар сарын 23-ны өдөр шагнаж, урамшууллаа.

Гэмт хэргээс урьдчилан сэргийлэх ажилд идэвх санаачилгатай оролцож, бусдыгаа манлайлан ажилласан Дархан-Уул аймаг дахь Шүүхийн шийдвэр гүйцэтгэх газар-445 дугаар нээлттэй хорих ангийн хамгаалалтын ажилтан, ахлах ахлагч У.Батбаатарыг “Тэргүүний алба хаагч”-аар шалгаруулжээ.

Шагналыг аймгийн ИТХ-ын дарга бөгөөд Гэмт хэргээс урьдчилан сэргийлэх ажлыг зохицуулах салбар зөвлөлийн дарга С.Насанбат болон Зөвлөлийн гишүүд гардуулан өгч нийт шагнагдсан байгууллага, алба хаагчдад баяр хүргэж, ажлын амжилт хүслээ.